英國租屋

我們由 2021 年至今已服務過百個香港家庭，為他們的 BNO 移民英國計劃建立穩固基礎。在到達英國前成功租屋或租樓，取得住址證明申請移民英國文件、銀行戶口等，令客人移民英國展開新生活時倍覺安心。以下是我們過去為客人租屋租樓的成功案例：

01

Worsley - 三房半獨立屋

依個係喺英國曼城 Worsley 三房兩廁包家電嘅 semi-detached house 。間屋本身都好新淨，家電都好新，而且屋內空間十足，屋外有一個大車位，另外都有個花園，夠晒客人三人家庭住。客人本身都預咗揸車，所以搵屋嘅時候要求要有車位，不過依區其實交通都方便㗎！由間屋行去 Walkden 火車站只需 4 分鐘，附近都有巴士站；搭火車出 Manchester Victoria 都只係 23 分鐘咋！由間屋行去就近嘅 Tesco Extra （全英國最大嗰間呀！）要 14 分鐘，揸車嘅話 5 分鐘就到啦~

02

Lymm - 三房半獨立屋

依個係喺 Lymm 一個三房兩廁兩廳 semi-detached house。間屋空間非常大，非常適合客人四人家庭居住。大大個客廳同飯廳，仲有個夠晒全家一齊煮飯仔嘅廚房，最驚喜係個 utility room 同地下個廁所，完全係大大個驚喜呀！客人一開頭就要求想要住喺 Lymm，所以我哋都好快就幫佢哋搵到依間月租 £1200 都唔洗嘅大屋~屋前仲有個大 driveway，泊到兩架車。去最近嘅大超市揸車只需 5 分鐘，都好方便㗎！Lymm 依一區俾小編嘅感覺相對比較寧靜同安逸，較適合會揸車嘅家庭，睇得出區內較多本地人，屬於白人居多嘅社區，鄰里之間嘅關係都好好，鐘意半退休生活嘅家庭都可以考慮下~

了解更多

03

Salford - 兩房單位

依個係喺英國 Manchester 嘅 Salford 一個連傢俬兩房 apartment。 Apartment 行去 Regent Retail Park 只需 10 分鐘內，去曼城市中心都非常方便~Apartment 採取屋苑式管理，有多重電閘，感覺都好安全。

了解更多

04

Old Trafford - 四房聯排別墅

依個係喺英國曼城 Old Trafford (M16) 一個連傢俬、四房三廁嘅 town house。間屋本身已經包傢俬同電器，客人到埗當日真係就咁拎住行李行入去就住得！雖則係 Old Trafford 區，大家都知住球場區未必係好事，不過佢喺正個 Close 入面，平時唔會有閒雜人等經過門前，真係自成一閣。由呢間屋行路去White City Retail Park 需 27 分鐘，揸車就只需 7 分鐘，佢附近仲有大超市，例如ALDI、Tesco Extra 等。

至於交通方面，由呢間屋搭車去曼城，只需半個鐘；揸車都係 15 分鐘，真係好方便！

了解更多

了解更多

05

Bolton - 三房半獨立屋

依個係喺 Bolton (BL3) 嘅一個包家電︑三房兩廁 semi-detached house。間屋內外都好新淨，而且有齊晒啲雪櫃洗衣機洗碗機，真係睇到我哋個個都心心眼！屋內空間都好夠用，上下兩層都有廁所就唔洗下下都要上樓上，其實真係好唔同㗎~屋前仲有 driveway 泊兩架車！間屋嘅屋齡好細，我哋嘅客人成為咗佢第二任嘅租客。

Bolton 依區相對少香港人揀，所以競爭無咁大。客人一開頭就因為有心儀嘅學校而選擇 Bolton，我哋團隊亦都好努力幫客人搵環境同治安較好嘅區，最後物色到依帶新發展嘅新屋！客人同我哋一齊睇完樓之後都好滿意，好快就提租成功！由依間屋揸車去著名嘅 Bolton Market 都只係 10 分鐘，真係好幸福！